చుక్కలు చలికి ఆకాశం లో మేఘాల దుప్పటి కప్పుకుని తొంగి చూస్తుంటే ,
                           తూర్పు కొండ  లోయలోనుంచి మిణుగురులు ఆకాశాన్ని తాకి చుక్కలవుతున్నాయి ,,,,. 
Sramatho alasina dehaniki padamara dikku vinjhaamaralu veesthonte,
    Krishna palsham taakina chandrudilaa kannulu aramodpulavuthuntai,,,
                         Subha raatri

                                                          రాత్రి 

ఆ రాత్రి ,
            నేను దాటివచ్చిన జీవితపు  దారిలో,
                   నేను పారేసుకున్న ఎన్నో నిండు  గ్రీష్మాల
                    జ్ఞాపకాల పూవులను ఏర్చి ,కుర్చుకుంటున్నాను .
ఆ రాత్రి ,
           ఆకాశం లో  చుక్కలు  చలికి మేఘాల దుప్పటి
                        కప్పుకుని తొంగి చూస్తుంటే ,
            తూర్పు కొండలోయలోని మిణుగురులు
                       ఆకాశాన్నంటి   చుక్కలవుతున్నాయి .
ఆ రాత్రి ,
              కుక్క అరుపుకు కీచురాళ్ళు  తోడై
                        జంటస్వరాల  గాత్రం చేస్తుంటే ,
                 వెన్నెల గాలికి ముంగురులు
                          ముఖం మీద తాళం తప్పకుండ నాట్యం చేస్తుంటాయి .
ఆ రాత్రి ,
              మగతలోని మనసు అటునుంచి ఇటు,
                                అటునుంచి ఇటు మేత్తగిల్లి నిద్దరోతోంది ,
               ఆ నిద్రలో తిరిగి నిండు గ్రీష్మాల  జ్ఞాపకాల పూవులను
                                                        ఏర్చి కుర్చుతునే ఉంటుంది .
ఆ రాత్రి ,
                 గతం లోని ఎన్నో తప్పులకు ,
                           శిక్ష అనే మెరుపు కోరాడ ఝులిపిస్తుంటే ,
                  మనసులోని పశ్చాత్తాప మేఘాలు కరుగుతుంటాయి ,
                           కండ్ల వెంబడి కుండపోత కన్నీటివర్షం కురుస్తుంటుంది .
ఆ రాత్రి ,
                 నా జ్ఞాపకాల పూవులలో ,
                         కభంద హస్తాలలో నలిగిన ఎన్నో పూవులు ,
                  నా కన్నీటితో జీవం పోయాలని మనసు అరాతపడుతూ ,
                          నలిగిన కుసుమాలను కుర్చుతుంటుంది .
ఆ రాత్రి , నా మనసు ఎంత ఏరినా కొంత తరుగుఉండే పూవులను ఎరుతునే ఉంటుంది  ,
                              ఆ రాత్రి అలా తెల్లవారుతూ  ఉంటుంది మరో వెన్నెల రేయి  కోసం .

         . తెలుగదేల యన్న దేశంబు తెలు గేను

           దెలుగు వల్లభుండ దెలుగొకండ
           యెల్ల నృపులు గొలువ నెరుగవే బాసాడి
            దేశభాషలందు దెలుగు లెస్స. 

     

               అందుకే  నాది తెలుగు జాతి అని గర్వం గా చెప్పుకుంటాను ,

                         నా అస్తిత్వాన్ని నిలబెట్టుకుంటాను . 

మీరు కుడా గర్వం గా చెప్పగల్గితే  ఒక్క ఒక్క లైక్ కొట్టండి . 

చూద్దాం ఎన్ని లైక్లు వస్తాయో , ఎంతమంది అసలైన తెలుగు వారున్నారో . 

                                                                              

                                                                                                                                శ్రీ . 

ఓ స్వరం ,
       ఓ  ప్రియమైన స్వరం ,
          నా హ్రుదయాన్తరాలలోని   నా బాల్యం  నా పెదవులపై చిరునవ్వులు మేరిపించినప్పుడల్లా జ్ఞప్తికి వచ్చే ఆ స్వరం ,
     నా స్నేహ స్వరం ,
 
                     అమ్మ కోపగించినప్పుడు ఇంటి చీకటి ములలో నన్ను ఓదార్చే స్వరం ,
                        పొలం లో నాన్న నేర్పే  రాగాలకు తోడి రాగం అయిన స్వరం ,
                      వెన్నెల రాత్రులలో అల్లుకునే అందమైన కలలకు కళలు నేర్పే స్వరం ,

                        నా జీవితం అనే పుస్తకం లో ఎంతో పదిలం గా దాచుకున్న  అందమైన జ్ఞాపకాలలో అనునిత్యం తొంగి చూసే ఆ    "కీచురాళ్ళ"    స్వరం . 

నిత్య పరిచితమైన  దారి ,
అనునిత్యం  సుపరిచితిలైన  వ్యక్తులు ,
                        ఆ దారి లో ఆ సుపరిచితులని దాటి పోతుండగా
                                                        నన్ను తాకింది  ఓ కన్నీటి చుక్క ,
 
రెండు రెప్పల మధ్య దాచాలని  ప్రయత్నించిన కన్నీటి సంద్రం ,
        తన మాట వినక రెప్ప దాటి బయట పడి ,
 ఒక్కిపోయిన  చెక్కిలి మీదుగా జారి ,
             అవిసిపోయిన  గుండెలను  తడుపుతున్నపుడు ,
     కడుపున పుట్టిన వారి  ఆదరణ కరువై
                   ప్రేమ కోసం ,
                        ఆప్యాయత  కోసం ,        
                          గుప్పెడు మెతుకుల కోసం ,
                              ఆదరించే  చేతుల కోసం  ,
                                  ఆత్రం గా ఎదురుచూసే  ఆ తడిచిన కన్నుల  నుంచి జారిన  ఆ కన్నీటి చుక్క నన్ను వెంటాడుతూనే ఉన్నది .
                         
                              ఓ కన్నీటి చుక్క
   

                                                             మరపు 

ప్రియ    ........,
         మరువమని  చెప్పావు నువ్వు,
                                           యదలో  మ్రోగెను నీ చిరునవ్వు ,
         నిన్ను మురచుట నాతరమా ,
                                            నన్ను  మరచుట నీ తరమా ?


ప్రియ   ......,
           నీవు అల్లిన ప్రేమ లతలలో ,
                                      చిక్కు పడెను నా మనసు నీ వలపులలో.
            చేసుకున్నాము ప్రేమ బాసలు కలలో  ,
                                        నేడు వీడినాయి మన జీవితాలు ఇలలో .

ప్రియ   ......,
             నాడు  అన్నావు మన కలయిక ఒక వరమని ,
                                         నేడు అంటున్నావు అదంతా ఒక కలయని .
                నాడు అన్నావు నా చేయి విడువనని ,
                                             నేడు  అంటున్నావు  నన్ను మరువమని ......
                కాని ......,
                                      అది  సాధ్యమా .....?                                               
                                                                 చెప్పు  ఒక మాట సాధ్యమని ,
                                                                          గ డిపేస్తాను  ఈ జీవితాన్ని  మరు జన్మ లో నీ సాన్నిధ్యం  కోసమని    


                                                   ఎదురుచూస్తూ


                                                                                                                           ఇట్లు
                                                                                                 నీ ప్రేమ కోసమై ఎదురు చూసే ఓ ఆశా జీవి .               
                           

   ఈ రోజు నిద్ర లేచేటప్పటికి  వాతావరణం చల్లగా ఉంది . అప్పుడు నాకెలా అనిపించింది అంటే

                                           మండు  వేసవి  లో  చల్లటి నీటి కొలను ఎదురుపడితే ఎలా ఉంటుందో
                                           వసంత కాలపు పిలుపు వినగానే కోయల కు ఎంత అనదం  గా ఉంటుందో
             అలా నా మనసు కూడా ఎగిరి గంతేసింది .......